مريلة كحلى

Saturday, November 25, 2006

أسعدت حزنا" ...!!!أيها القلب

Sunday, November 19, 2006

مجرد تعليق ....

تعليقا"على تصريحات وزير الثقافة عن موضوع الحجاب ...أولا" لازم نعرف ان في حاجة اسمها ثوابت بمعنى ان الحجاب فريضة و لا يستطيع أحد مهما كانت درجة الوظيفية أو مهما بلغ من العلم أن يعارض هذا لان الحكم قد ورد فى القرآن و السنة أذن الحكم المجمع عليه لا يجوز مناقشته . و أن هناك أشياء فى الدين الاسلامى تسمى احكام لا يجوز السؤال فيها .. .. اللى احنا بنسميها أشياء غيبية

ثانيا" : الوزير داه غاوى مشاكل يعنى مافيش سنة اللى لما يبقاله استجواب حاجة م الحاجات دى وبعدين سبنا ايه للغرب وهو بيتكلم عن دينا ...يعنى لو حصل داه مثلا" و صدر من مسؤل ف الغرب هنقول ماشى لكن مش من وزير مصرى و هو عارف قد ايه فيه أهمية للدين و العادات و التقاليد ، و بعدين الراهبات بتوع الكنائس على طول لابسين ايشارب مغطى الرأس ...اصل الحجاب مش قطعة قماش الحجاب داه تلبية لفرض كتبه الله علينا وواجب طاعته ورمز اخلاقى فى الاديان الاخرى . فى الحقيقة الموضوع غريب قوى و الغريب فيه هو ربط فكرة التخلف و الرجوع الى الوراء بالحجاب و التدين طب ما نبص على ايران ... دولة اسلامية و السيدات فيها جميعا" محجبات والرجال متدينين ... و لكن بقت من دول االنادى النووى ...لازم نحترم الدين وعلمائه لان مش لازم نفتى فى حكم واجب

Saturday, November 18, 2006

أريدك أن تحتوينى !!!

بدأ فى اشعال سيجارته الثانية ...أخذ يتحدت عن ما يدعى البسنس
وعن مشروعه الجديد ...و ما تحقق أعماله من ارباح
و أنه يريد انشاء...عدد من الاعمال تحمل أسمه
و عن أهميه العمل .....ووووووو
???ثم أخذت تنظر الى عينيه ....فسألها مابك
فأجابته .....اريدك أن تحتوينى ..

Tuesday, November 14, 2006

شرخ

امراءة عجوز تعيش فى حجرة ما صغيرة ...
السيدة فقيرة للغاية و لديها عدد من الاولاد الحجرة يملائها السكون ...و رائحة الرطوبة منتشرة فى حجرة لا يدخلها أية ضوء فى يوم جلست هذه السيدة أوخدت تنظر الى شالها ...و ما به من فتوق و شروخ فأخدت ابرة و خيط وبدأت تخيطها ...ثم أخدت ملابس أولادها القديمة أيضا"
و توقفت عند قميص أبنها الصغير فتأوهت وسقطت دمعة من عينها ...و قالت انه لشرخ كبير ... أهى حياتنا عاملة زى حتة القماش ...ساعات يحصل فيها فتوق تقدر تلمها ....وساعات يبقى فى شرخ كبير عمرك ماتعرف تلملمه

Monday, November 13, 2006

رق الحبيب ....

من كُتر شوقي سبقت عمري .. و شُفت بكره و الوقت بدري و إيه يفيد الزمن مع اللي عاش في الخيال و اللي في قلبه سكن .. أنعَم عليه بالوصال
أغنية رق الحبيب ....أم كلثوم

Saturday, November 11, 2006

صباح مختلف

صباح يوم الجمعة كان فعلا"مختلف ...مش عارفة ليه حسيت ان الحياة حلوة
حسيت أن الحياة حلوة بجد ...اصل أنك تستمتع بالحياة يعنى لازم تحس بيها ...
اللى بيخلينا نفقد الاحساس بيها يمكن الروتين و داومة الدنيا ..
حسيت بالهواء و هو بيداعب شعرى ...طعم المياه مختلف ...نبرة صوت الناس مختلفة ....تفاصيل حلوة بجد يمكن ماكنتش واخدة بالى منها ...ضحكت ابن اختى ....ضحكة والدى ....خفة دم بنت اخويا ...
ماحولتش ادور على السبب ....يمكن عشان كنت عاوزة اعيش اللحظة و خفت لحسن تضيع منى فى الاسئلة

Monday, November 06, 2006

يا خسارة لما الدنيا تضيع ....و الحلم يضيع وياها كمان ....
و الحلم يضيع و تضيع كل الامانى