!!!حالة ملل

بجد أنا مش عارفة عاوزه أيه ...مش عارفة رايحة فين

بس اللى انا نفسى فيه هو انى الاقى نفسى .....!!!!

افتح قلبك ....

كنت فى قاعدة وقلنا نفتح قلبنا ونسأل عن الحب فى حياة كل واحد ، فلما جيه عليا الدور واتسألت الحب = ايه فى حياتك

بجد معرفتش ارد ...لكن رديت انه الحب داه هبه من عند ربنا ...يعنى مش حاجة ميكانيكية

تدوس على زرار فتحب و الزرار التانى تكره...طول عمرى وأنا حاسة انى موديل قديم ....على راى حد من اصحابى

دانتى مش هتلاقى قطع غيار ..

دول قفلوا مركز الخدمة بتاعك

بس الحكاية ومافيها أنى مابحبش ادخل فى علاقات مأفولة ،علاقات ملهاش مستقبل ما اطلعشلى منها غير بوجع فى القلب

كنت لما احس بحاجة من حد ناحيتى أو بشك فى أى حاجة ببعد على طول و بصده ساعات الشخص

داه مايكنشى وحش أو فيه عيوب بس مش هينفع

لما حديسأل طب ليه ...بقول ان دى قسمة وأن ربنا هيجعل نصيبى فى حد هو كاتبه ليه ...بس ماانكرشى ان ساعات

ببيجى على وقت كده واراجع نفسى ...والاقي أن ضيعت فرص كتيرة أندم عليها

يمكن الشعور داه بيجيلى لما حد يقولى انت معقدها قوى ..يابنتى الدنيا مش عاوزه مبادىء ..انت هتفضلى عل طول كده

ويخل فى حته ان دى ارتبطت وفلانة ...وانك كده ماينفعشى

بس ارجع واقول لا مش هتنازل أنا كده ...ايوه أنا كده ....عاوزه اللى يدخل حياتى يكون اول حد فى حياتى وأخر واحد

عاوزه يلاقى قلب فاضى ...وهو يملاه....مش عاوزة قلبى يكون عامل زى تاكسى ناس تدخله وتنزل محطة وبعد شوية ادخل حد تانى فيه

عاوزه اكون مقتنعة بيه تماما" تماما" ...لانى عاوزه أحب مرة واحدة فى حياتى ...

عاوزه أكتبه فى كراستى أول سطر حبيبى ...عاوزه أعرف الناس كلها أن هو دا ه مش عاوزة أخجل ولا أخاف ولا أبقى مترددة

أعتقد أن داه أبسط حقوق مشاعرى على،،، مشاعرى اللى بخاف عليها

شرق أوسط جديد ولا شرق أوسط كبير حيرتونا ....المهم الانسة كوندليزا الهى يرزقها بعريس يسترها و يستتها فى البيت ..جت بموضوع الشرق الاوسط

الجديد ...بتقدم للمنطقة حلول غبية ...لكن اسرائيل بتقدملها القنابل الذكية

المهم أن نشر موقع خريطة الشرق الاوسط الجديد

http://www.armedforcesjournal.com/2006/06/1833899

خريطة الشرق الاوسط الحالية

الخريطة الجديدة للشرق الاوسط

أكيد الاسئلة اللى هتطرح نفسها هى كتيرة هو داه بجد ولا داه أسلوب من أساليب الحرب النفسية ؟؟؟

وهل فى اختلاف بين الشرق الاوسط الجديد و الشرق الاوسط الكبير ؟؟

هل ده هو اللى هيوفر لأسرائيل السلام الدائم اللى هيه تريده؟؟؟

هل المخطط ده يستهدف تقسيم الوطن العربى الى دويلات...والى طوائف ...وايه تداعيات التقسيم طائفيا" ودينيا"و عرقيا"؟؟؟؟

هل بدا تغيير الشرق الاوسط بحدود الدم ..زى ما بيقول الموقع ؟؟؟؟

و ايه هى السيناريوهات التالية بعد أفغانستان والعراق و فلسطين وأخيرا" لبنان ؟؟؟؟

و السؤال الاهم ...احنا ليه سا ييبن نفسنا كده ...الناس عمالة تبهدل فينا وترسملنا وتخططلنا؟؟؟؟و لحد امتى هنسيب أمريكا حاسة بأنها الوصية علينا ؟؟؟؟

بورتريه

بورتريه ...اسرنى من اول ما شفته ...الاحساس صادق جدا" لكن نظرة السيدة مش عارفة أوصفها ب ايه

شيىء ما

قديما" يقولون أن من الادب أن يطرق

المرء الباب قبل أن يفتحه..اى يستأذن قبل الدخول

ولكن الادب كل الادب أن يستأذن المرء قبل أن ينصرف ...

وهى تكره دخول أى شخص فجأة الى حياتها أو خروجه فجأة

و هاأنت قد انصرفت بلا استئذان و لاحتى وداع

لم تكن تسعى لهذا الحب و لا لأية علاقة ما تريد أن تفهمه هو لماذا حدث كل هذا؟؟؟

هى لا تناجييه أو تطلب منه العودة ؟؟؟هى لا تشعرباليتم أو بالضعف ......او عدم ثبات الارض من تحتها

بل هى اعادت اكتشاف نفسها....لقد كانت محقة فيما تفكر

فلم يعد يعنيها صمتك ...لامبالاتك

فأصبحت أقوى أنضج .... قادرة على المواجه

!!!

بحس ان الشمس دائما" بتقولى أن أجمل يوم فى عمرى لسة ما عشتوش

ساعات ...ساعات

ساعات بضحك قوى و من قلبى و ساعات عمر الضحك مابيعرفليش طريق

اتعودت دائما" وأنا بضحك أدمع ...مش عارفة ليه

يمكن وأنا بضحك ...بسأل نفسى هى الضحكة دى هترجع تزورنى تانى

ساعات كتيرة بكره الدنيا باللى فيها و أبقى مش عاوزها و رفضها ...

بس الرفض داه بيختفى خجلا" أدام بطن جعانة ولا دمعة عل خد طفل ضايع أو شخص

قعد يرسم فى أحلامه ..ويخطط أمنياته وفى ثانية كل حاجة ضاعت

CTAأنا دائما بركب ال

اتعودت ابص فى وشوش الناس ....كل الوشوش حزينة الناس ماشية تفكر فى بكرة ....كل فين وفين اما الاقى حد

بيضحك ...حتى الضحكة بتبقى فالصوا ...تقليد ...مش أصلى

الدنيا رغم حلاوتها وروعتها لكن ساعات بتكون قاسية قوى بشعة ...ولما بتقفل فى وش حد ....بتقفل زى الدمنا

نفسى ألاقى الدنيا بتضحك لكل الناس ...نفسى ملاقيش حزن معشش فى القلوب

نفسى التاس كلها تعيش فى أمان .....و الله داه من حقنا

أنا عارفة أن كلامى شوية فى خيال ....بس هستكترأن اسيب نفسى تسرح وتتخيل