الى عرفات الله ...عيد سعيد

عيد الاضحى يحمل معاه كثير من المعانى الجميلة و الأضاحى التى يذبحها المسلمون تقربا" الى الله سبحانه و تعالى فى يوم العيد تحمل

ذكرى عظيمة ..فهيه بتذكرنا بسيدنا ابراهيم عندما أمر بذبح ابنه اسماعيل و كيف فدى بكبش عظيم ..العيد ليه معانى كتيرة أوى ، منها شعور نفسى بانها مكافأة على اتمام العبادة ,,,وايضا" فى معنى انسانى وهى شعور المسلم بأخيه المسلم ....التقرب بين الناس ...صلة الرحم بدعى ربنا فى الايام الجميلة دى انه يجمعنى ويجمعكم العام اللى جاى على عرفات ويرزقنا زيارة بلد حبيبه المصطفى و بحمده على نعمة الايمان به و شرف الاسلام له ...كل سنة و قلبكوا مليان حب لله ورحمة صدق كل سنة و كل الناس بالف صحة وسلامة .

بيقولوا

بيقولوا بكتب الهوى اللي بيحب ما بينسى

بيقولوا بكتب الهوى عالبعد القلب بيقسى

بيقولو بالقصايد عن حال العشاقيين

شوقن بيضلو زايد بيضلوا مشتاقيين إلا ما بيتلاقوا سوا ما بتهدى نار الهوى

أنا بطلب السماح

أنا بطلب السماح لكل واحدة في الحياة ..

للي ماعرفتش تحب .. أو عشقت لحظة كدب

أو غدرت جرحت قلب .. أو مااستاهلتش الحب ..أنا بطلب السماح

باسم كل واحدة خانت قلب صانها ..

باسم كل واحدة صانت قلب خانها

كانت سبب في شعور يضيع أو قلب يأسى

لأم سابت يوم رضيع في مهده لسه ..

أنا بطلب السماح لكل واحدة في الحياة ...

لكل واحدة باعت إحساسها وشوقها لحد ..

للي بإيديها ضاعت .. أو ضاعت بإيدين حد ..

أنا بطلب السماح

" لطيفة "

أحياء ...ولكن

ان لله وان اليه راجعون ….توفى الى رحمة الله تعالى …فلان الصلاة عليه …عند صلاة الظهر عادة هذه هى الطريقة التى يعلن فيها امام المسجد وفادة أحد من أهل الحى هذا هو الموت ….هذه هى المصيبة …مصيبة الموت فى الفراق ولكن مصيبته الاكبر فى الغفلة عنه وعدم اعداد انفسنا له . فالموت هو خروج الروح من الجسد ...أو بشكل علمى أكتر هو توقف الجسم عن اداء وظائفه الحيوية فنقول أن فلان قد فارق الحياة ...ولكن من خلال اختلاطك بالناس ممكن تشوف ناس بتتحرك و بتشتغل وبتاكل لكن مافهمشى حياة ...ميتين ...لكن داه بيرجع لاسباب يمكن الناس دى مثلا" فشلوا فى شيىءو بالتالى شعر بالاحباط و الضيق و فبيحس ان الدنيا اتقفلت فى وشه و صلاحيته فى الحياه انتهت و ان ما لوش اى لازمة فى الحياة ،،او ممكن يحس ان خلاص مافيش حاجة فى الدنيا حلوة وليه هتتعاش لما يتوفى ليه حد عزيز عليه قوى ،،،أو لما تفقد حب عمرك مثلا" و أسباب تانيه بتتوقف على شخصية كل واحد . لكن الحياة مش بتوقف الحياة بتدور زى ما الارض بتدور ،، ماهى ايه غير عمر بيجى و عمر يروح ، حلم يجى وحلم يروح ، حب يتولد وحب يموت ، حلم يكبر و حلم يجهض، حكاية تبتدى وأخرى تنتهى ، ولقاء ووداع ، شروق و غروب ليه بنفارق حياتنا ..واحنا لسه جوانا روح و نبض و قلب بيحس ..و يخفق

.......ليه بتقسى على نفسك و بتحكم عليها بالموت و بتشيل الحياة و الرحمة و الاحساس من قلبك

.... دا ان مافضلش معاك غير قلبك اوعى تخاف مش ح تموت.. ح تعيش..

......وان سألوك الناس عن ضى جوة عيونك مابيلمعش ماتخبيش....

....قولهم العيب مش فيا ده العيب فى الضى

مرآة xوجه

قليلة هى المرات التى أنظر فيها الى المراة...النظرة بتبقى تظبيط كده قبل مااخرج لكن فكرة انى .اتفحص وجهى قليلة قوى كنت عاوزة أشوف الحياة مضيت بأيه على ملامحى ... داه فكرنى أن طول عمرى ولحد اللحظة دى لم احمل مرآة فى شنطة اليد الخاصة بيه واحدة من اصحابى قالت ليه ,يعنى ايه بنت ماتشلشى مرآة فى شنطتها !!! هى.. امال انتى حاطه فى شنطتك ايه أنا ..أوراقى و نقودى و نظارتى و كتاب ...عطرى ...و أدوية(صداع و الذى منه – احتياطى أنا فكرت فى سؤالها اى امراءة لا تحمل فى حقيبتها مرآة ؟؟؟ و ليه المرأة بنرجع للمرآة كل ساعة نبص فيها على نفسنا ... هو فى الساعة دى تغيرشيىء؟ وأنا صغيرة المرآيه كانت ليها ذكريات معايا ...كنت ساعات بعمل نفسى مذيعة وأوقات بعمل نفسى عارضة أزياء ألبس لبس أمى .... كنت بعد الدقايق انى أكبر والبس البس داه و أبقى بنوته كبيرة بس دلوقتى بحلم ان الزمن يقف شويه ...يعنى هو الزمن ممكن يقف ولا داه خيال ...أصل الخيال داه حاجة لا بتقيدك لا بوقت ولابمكان ....بس اكتشفت ان لابد ان نسلم بالواقع و بطبيعة الحياة اللى مابتعرفشى غير الحقيقة.وآمنت ان كل حاجة فى الحياة ليها معنى